၂၀၂၄ ခုနှစ်၊ ပထမသုံးလပတ်အတွင်း တရုတ်နိုင်ငံသည် ဗီယက်နမ်မှ ရေထွက်ကုန်ပစ္စည်း တင်သွင်းမှုအများဆုံးနိုင်ငံများအနက်မှတစ်ခုဖြစ်
တရုတ်နိုင်ငံသည် ယခုနှစ် ပထမသုံးလပတ်တွင် အမေရိကန်နှင့် ဂျပန်နိုင်ငံတို့နှင့်အတူ ဗီယက်နမ်နိုင်ငံမှ ရေထွက်ကုန်ပစ္စည်း တင်သွင်းမှုအများဆုံး နိုင်ငံများအနက်မှ တစ်ခုဖြစ်ကြောင်း ဗီယက်နမ်နိုင်ငံထုတ် ပင်လယ်စာတင်ပို့သူများနှင့် ထုတ်လုပ်သူများအသင်းကို ကိုးကား၍ ဗီယက်နမ် သတင်းအေဂျင်စီက ဖော်ပြခဲ့ကြောင်း သိရှိရပါသည်။
တရုတ်နိုင်ငံနှင့် ဟောင်ကောင်အထူးအုပ်ချုပ်ခွင့်ရဒေသသို့ ရေထွက်ကုန်ပစ္စည်းများ တင်ပို့မှု သည် (၁၅) ရာခိုင်နှုန်း တိုးလာသည်ဟု ဖော်ပြထားကြောင်း သိရှိရပါသည်။
တရုတ်နိုင်ငံသည် ဗီယက်နမ်နိုင်ငံထုတ် tra fish၊ ပုစွန်ခြေဖြူ၊ ကျောက်ပုဇွန်၊ ငါးနီတူနှင့် ကဏန်းတို့ကို အများဆုံးတင်သွင်းသည့် နိုင်ငံဖြစ်ကြောင်း သိရှိရပါသည်။ ဗီယက်နမ်သည် တရုတ် နိုင်ငံသို့ ပုစွန်တင်ပို့မှုတွင် အီကွေဒေါ၊ အိန္ဒိယနှင့် အင်ဒိုနီးရှားအပါအဝင် ၎င်း၏ပြိုင်ဘက်များကို ကျော်တက်သွားခဲ့ကြောင်း၊ ဗီယက်နမ်မှ တရုတ်နိုင်ငံသို့ ပုစွန်ခြေဖြူတင်ပို့မှုသည် (၂.၅) ဆ တိုးမြင့် လာကြောင်း အဆိုပါအသင်း၏အချက်အလက်များအရ သိရှိရပါသည်။
၂၀၂၄ ခုနှစ်၊ ပထမသုံးလပတ်တွင် ၂၀၂၃ ခုနှစ် အလားတူကာလနှင့် နှိုင်းယှဉ်ပါက တရုတ် နိုင်ငံသို့ ဗီယက်နမ်မှ ကျောက်ပုစွန်တင်ပို့မှု (၇)ဆ ပိုမိုများပြားခဲ့ကြောင်း သိရှိရပါသည်။ ယခုနှစ် ပထမသုံးလအတွင်း ဗီယက်နမ်ရေထွက်ကုန်များ တင်ပို့မှုမှ ဝင်ငွေ အမေရိကန်ဒေါ်လာ (၁.၉) ဘီလီယံနီးပါးရရှိခဲ့ပြီး တစ်နှစ်ထက်တစ်နှစ် (၂) ရာခိုင်နှုန်းနီးပါး တိုးတက်လာခဲ့ကြောင်း သိရှိရပါသည်။
ဗီယက်နမ်သည် ၂၀၂၄ ခုနှစ်တွင် ရေထွက်ပစ္စည်း တင်ပို့မှုမှ ဝင်ငွေဒေါ်လာ (၉.၅ မှ ၁၀) ဘီလီယံအထိ ရရှိရန် ရည်မှန်းထားကြောင်းလည်း သိရှိရပါသည်။
ကေခိုင်ကျော်၊ စီးပွားရေးသံမှူး
နန်နင်းမြို့
Source: https://english.news.cn/20240415/8c690251d13c422fb46202ef0f035fc5/c.html