၂၀၂၄ ခုနှစ်တွင် ဒူးရင်းသီး၊ ဆန်၊ ကော်ဖီနှင့် သစ်တောထွက်ပစ္စည်းများ ထုတ်လုပ်မှု၊ စျေးကွက်ချဲ့ထွင်မှုနှင့် စျေးနှုန်းမြင့်တက်ခြင်းတို့စံချိန်တင်ခဲ့ပါသည်။

၂၀၂၄ ခုနှစ်တွင် စိုက်ပျိုးရေး၊ သစ်တောနှင့် ရေထွက်ပစ္စည်း တင်ပို့မှုမှ ၀င်ငွေသည် ကန်ဒေါ်လာ ၆၂ ဒသမ ၄ ဘီလီယံသို့ ရောက်ရှိခဲ့ပြီး ယခင်နှစ်ကထက် ၁၈ ဒသမ ၅ ရာနှုန်း တိုးလာကာ အစိုးရက ချမှတ် ထားသည့် ကန်ဒေါ်လာ ၅၄-၅၅ ဘီလီယံကို ကျော်လွန်သွားခဲ့ပါသည်။

အိန္ဒိယအစိုးရသည် စားတော်ပဲ (Yellow peas) အား အနိမ့်ဆုံးသွင်း ကုန်ဈေးနှုန်း (Minimum import price-MIP) မပါဝင်ဘဲ ဆိပ်ကမ်းကန့်သတ်ချက်မရှိ လွတ်လပ်စွာတင်သွင်းခွင့်အား ၂၀၂၅ ခု နှစ်၊ ဖေဖေါ်ဝါရီ ၂၈ ရက်နေ့အထိ သက်တမ်းထပ်မံ တိုးမြှင့်ခဲ့ကြောင်း The Hindu Busine- ssline သတင်းဌာနက ယခုလ ၂၆ ရက်နေ့က ဖော်ပြသည်။

အိန္ဒိယနိုင်ငံ Karnataka နှင့် Maharashtra ကဲ့သို့ ပြည်နယ်များတွင် ပဲသီးနှံသစ်များ ဈေးကွက်သို့ ဝင်ရောက်လာသည့်အတွက်  ပဲစင်း ငုံ (tur/arhar) ဈေးနှုန်းများ စတင်ကျဆင်းလာလျက်ရှိကြောင်း၊ သို့သော် အစိုးရအနေဖြင့် ၂၀၂၄ ခုနှစ်၊ ခါရစ် (မိုးရာသီ) အတွက် ပဲစင်း ငုံ ၉၆၆,၅၇၅ တန်အား အနိမ့်ဆုံးပံ့ပိုး ဈေးနှုန်း (Minimum support price -MSP) သတ်မှတ်၍ ဝယ်ယူပေးမည်ဟု ကတိပြုထားကြောင်း The Hindu Businessline သတင်းဌာနက ဒီဇင်ဘာ ၂၅ ရက်က ဖော်ပြ သည်။

ဥရောပအာရှစီးပွားရေးသမဂ္ဂ (EAEU)နှင့်  အင်ဒိုနီးရှားနိုင်ငံ၊ အာရပ်စော်ဘွားများ ပြည်ထောင်စု (UAE) နိုင်ငံတို့ကြား လွတ်လပ်သောကုန်သွယ်ရေးသဘောတူညီချက်များ(Free Trade Agree-ments- FTA)ကို ၂၀၂၅ ခုနှစ်တွင် လက်မှတ်ရေးထိုးနိုင်မည်ဟု မျှော် လင့်ထားကြောင်း ရုရှားစီးပွားရေးဖွံ့ဖြိုးတိုးတက်မှုဝန်ကြီးဌာန ဝန်ကြီး Mr. Maxim Reshetnikov က ရုရှားကုန်သည်များနှင့် စက်မှုလက်မှု လုပ် ငန်းရှင်များအသင်းချုပ်မှ ကိုယ်စားလှယ်များနှင့် တွေ့ဆုံပွဲတွင် ပြောကြားခဲ့သည်။

အင်ဒိုနီးရှားအစိုးရသည် ဇီဝဒီဇယ် ၄၀ ရာခိုင်နှုန်း (B40) ထုတ်လုပ်မည့် အစီအစဉ်အတွက်ငွေကြေးထောက်ပံ့မှုတစ်ခုအနေဖြင့် စားအုန်းဆီကြမ်းတင်ပို့ရာတွင် ပို့ကုန်အခွန် တိုးမြှင့်ကောက်ခံ ရန် စီစဉ်လျက်ရှိကြောင်း အင်ဒိုနီးရှားစားအုန်းဆီအသင်းက ၂၀၂၄ ခုနှစ်၊ ဒီဇင်ဘာ ၂၄ ရက်နေ့က သတင်းထုတ်ပြန်ခဲ့သည်။ B40 မှာ လောင်စာဆီ ၆၀ ရာခိုင်နှုန်းနှင့် စားအုန်းဆီကြမ်းမှ ထုတ်လုပ်ရ ရှိသည့် ဇီဝဒီဇယ် ၄၀ ရာခိုင်နှုန်းရောနှောထားသည့် ဇီဝဒီဇယ် ဖြစ်သည်။