အိန္ဒိယတွင် ရုရှား၏ ရင်းနှီးမြှုပ်နှံမှုမှာ အမေရိကန်ဒေါ်လာ ၁၆ ဘီလီယံခန့်ရှိကြောင်း အိန္ဒိယရှိ ရုရှားကုန်သွယ်ရေးကိုယ်စားလှယ် Mr. Alexander Rybas က TASS သတင်းဌာနနှင့် အင်တာဗျူးတွင် ပြောကြားခဲ့သည်။

Mr. Alexander Rybas ၏ ပြောဆိုမှုအရ လက်ရှိအချိန်တွင် အိန္ဒိယစီးပွားရေး အသိုင်းအဝိုင်းများသည် ရုရှားရေနံနှင့် ဓာတ်ငွေ့ကဏ္ဍ၊ IT ကဏ္ဍများတွင် ရင်းနှီးမြှုပ်နှံမှုများ မြှင့်တင်ရန် ပိုမိုစိတ် ဝင်စားပြီး  သုတ်ဆေး(ဆိုးဆေး)နှင့် ထုပ်ပိုးရေးပစ္စည်းများ ထုတ်လုပ်ခြင်း အပါအဝင် ဓာတုဗေဒ စက်မှုလုပ်ငန်းများရှိ စီမံကိန်းများတွင်လည်း ရင်းနှီးမြှုပ်နှံကြကြောင်း သိရှိရပါသည်။

ရုရှားဖက်ဒရေးရှင်းနိုင်ငံ၏ ပြည်တွင်းအသားတင်ထုတ်လုပ်မှုတန်ဖိုး(GDP) တိုးတက်မှုသည် ၂၀၂၃ ခုနှစ်၊ ဇန်နဝါရီမှ အောက်တိုဘာအထိ ၁၀ လတာကာလအတွင်း ၃ ဒသမ၂ ရာခိုင်နှုန်း တိုးလာ ခဲ့ပြီး အနောက်နိုင်ငံများ၏ ပိတ်ဆို့အရေးယူမှု မတိုင်မီကထက် ပိုမိုများပြားနေပြီဖြစ်ကြောင်း၊ တစ်ချိန်တည်းမှာပင် ယခုနှစ်ကုန်တွင် GDP သည် အနည်းဆုံး ၃ ဒသမ ၅ ရာခိုင်နှုန်း တိုးလာမည်ဟု မျှော်လင့်ကြောင်း ရုရှားသမ္မတ ဗလာဒီမာပူတင်က VTB ဖိုရမ်တွင် ပြောကြားခဲ့ပါသည်။

ရုရှားအသေးစားနှင့် အလတ်စားစီးပွားရေးလုပ်ငန်းများ (SME) သည် ၂၀၂၃ ခုနှစ်၊ ဇန်နဝါရီ မှ အောက်တိုဘာအထိ ၁၀ လတာ ကာလအတွင်း ရုရှားနိုင်ငံသို့ အခွန်ငွေ ရူဘယ် ၇ ဒသမ ၇ ထရီလီ ယံ(ကန်ဒေါ်လာ ၈၃ ဒသမ ၅ ဘီလီယံ) ထည့်ဝင်ခဲ့ပြီး ၂၀၂၂ ခုနှစ် ကာလတူထက် ၂၄ ရာခိုင်နှုန်း ပိုမိုများ ပြားခဲ့ကြောင်း ရုရှားဖက်ဒရယ်အကောက်ခွန်ဝန်ဆောင်မှုဌာန (Federal Tax Service of Russia) ၏ အကြီးအကဲဖြစ်သူ Mr. Daniil Yegorov က ပြောကြားခဲ့ပါသည်။

၂၀၂၃ ခုနှစ်၊ ဇန်နဝါရီမှ နိုဝင်ဘာအထိ ၁၁ လတာကာလအတွင်း ရုရှားဖက်ဒရေးရှင်းနိုင်ငံ၏ ရေထွက်ကုန်များ တင်ပို့မှုမှာ ၂၀၂၂ ခုနှစ် အလားတူကာလနှင့် နှိုင်းယှဉ်ပါက ၁၃ ရာခိုင်နှုန်း တိုးမြှင့်လာပြီး ပမာဏတန်ချိန် ၂ ဒသမ ၁ သန်းအထိ ရောက်ရှိခဲ့ကြောင်း၊ တင်သွင်းမှုပမာဏမှာ တန်ချိန် ၅၄၇,ဝဝဝ ခန့်ရှိပြီး ယခင်နှစ် အလားတူ ကာလထက် ၁၀ ရာခိုင်းနှုန်း ပိုများခဲ့ကြောင်း ရုရှားငါးလုပ်ငန်း ဆိုင်ရာ ဖက်ဒရယ်အေဂျင်စီ (Russia’s Federal Agency for Fishery) က သတင်းထုတ်ပြန်ခဲ့သည်။

ရုရှားနိုင်ငံသို့ ကြက်ဥများ အပြည့်အဝထောက်ပံ့ပေးရန် အဆင်သင့်ဖြစ်နေပြီဖြစ်ပြီး တင်ပို့မှု များ စတင်နေပြီဟု တူကီယဲနိုင်ငံ ကြက်ဥထုတ်လုပ်သူများသမဂ္ဂ၏ အကြီးအကဲက ပြောကြားခဲ့သည်။

ရုရှားနိုင်ငံ၏ တိရစ္ဆာန်နှင့် အပင်ပိုးမွှားရောဂါကင်းရှင်းရေး ကြီးကြပ်ကွပ်ကဲမှုဌာန (Rosselkhoznadzor)သည် တူကီယဲနိုင်ငံ၏ ကုမ္ပဏီ ၂၁ ခုကို ရုရှားသို့ ကြက်ဥများ တင်ပို့ရန် ခွင့်ပြု ချက်ပေးထားပြီး ကုမ္ပဏီ ၃ ခုမှာ စတင်ပို့ဆောင်နေပြီဖြစ်သည်။

အိန္ဒိယနိုင်ငံတွင် ရာဘီ (ဆောင်းရာသီ) သီးနှံများ စိုက်ပျိုးမှုဧရိယာသည် လွန်ခဲ့သောနှစ်က ထက် ၅ ရာခိုင်နှုန်းကျဆင်းခဲ့ကြောင်း သိရသည်။ ၂၀၂၃ ခုနှစ်၊ ဒီဇင်ဘာလ ၁ ရက်နေ့အထိ ဟက် တာ ၄၃၄ ဒသမ ၆၆ သိန်းရှိပြီး ပုံမှန်စိုက်ပျိုးဧရိယာ၏ ၆၇ ရာခိုင်နှုန်းသာ ရှိကြောင်းနှင့် ယမန်နှစ်က ဟက်တာ ၄၅၈ ဒသမ ၇၇ သိန်းရှိခဲ့သည့်အတွက် ၅ ရာခိုင်နှုန်းကျဆင်းခဲ့ခြင်းဖြစ်ကြောင်း သိရသည်။ 

အိန္ဒိယနိုင်ငံသည် ၂၀၂၄ ခုနှစ် ဇန်နဝါရီတွင် မြန်မာနိုင်ငံမှ ပဲစဉ်းငုံ (ခွဲခြမ်း) တန် ချိန် ၄ သိန်းကိုလည်းကောင်း၊ ဖေဖေါ်ဝါရီလတွင် မတ်ပဲ (ခွဲခြမ်း) တန်ချိန် ၁ သန်းကို လည်းကောင်း တင်သွင်းသွားမည်ဖြစ်ပြီး၊ ပြည်တွင်း၌ ၎င်းပဲအမျိုးအစားများ၏ ဈေးနှုန်းများ မြင့်တက်လာမှုကို ထိန်းချုပ်နိုင်ရန် ယင်းသို့ဆောင်ရွက်ခြင်းဖြစ်ကြောင်း အိန္ဒိယအစိုးရ တာဝန်ရှိသူတစ်ဦးက Economic Times သတင်းစာသို့ ပြောကြားခဲ့သည်။ 

စိုက်ပျိုးရေးနှင့် စားသောက်ကုန်ပစ္စည်းများ တင်ပို့မှု ဖွံ့ဖြိုးတိုးတက်ရေး အာဏာပိုင်အဖွဲ့  (APEDA) ၏ အချက်အလက်များအရ အိန္ဒိယနိုင်ငံ၏ ဘာစမာတီဆန်အပါအဝင် လယ်ယာထွက် ကုန်တင်ပို့မှုမှာ ယခုနှစ် သြဂုတ်လ တင်ပို့နိုင်မှု တန်ချိန် ၂၇.၉၄ သိန်းနှင့် နှိုင်းယှဉ်ပါက စက်တင်ဘာလတွင် တန်ချိန် ၁၇ ဒသမ ၉၃ သိန်းသာ တင်ပို့နိုင်ခဲ့သဖြင့် တင်ပို့မှု ကျဆင်းခဲ့ကြောင်း၊ ဧပြီလနှင့် မေလတို့ တွင် လယ်ယာထွက်ကုန် တင်ပို့မှုမှာ ပျမ်းမျှတန်ချိန် ၃၃ သိန်းဝန်းကျင် ရှိခဲ့ကြောင်း၊ သို့ရာတွင် ဆန်ကွဲနှင့် ဘာစမာတီမဟုတ်သော ဆန်ဖြူအပါအဝင် ဆန်မျိုးစုံ တင်ပို့မှု အပေါ်ကန့်သတ်ချက်များ ကြောင့် လယ်ယာထွက်ကုန်များတင်ပို့မှုမှာ တန်ချိန် ၁၅ သိန်း

တရုတ်နိုင်ငံတောင်ပိုင်း ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရဒေသရှိ Youyiguan ဂိတ်သည် ယခင်က ထိုင်းနိုင်ငံမှ ဒူးရင်းသီးများကို အဓိကတင်သွင်းခဲ့သည်။ သို့သော် ဗီယက်နမ်မှ လတ်ဆတ်သော ဒူးရင်းသီးများသည် ပြီးခဲ့သည့်နှစ်တွင် တရုတ်နိုင်ငံသို့ ဈေးကွက်ဝင်ရောက်ခွင့်ရရှိပြီး နောက် ယခုအခါ ထိုင်းဒူးရင်းဈေးကွက်ကို အလျင်အမြန် အမီလိုက်လာကြောင်း သိရှိရသည်။

အီလက်ထရွန်းနစ်ပစ္စည်းများနှင့်အတူ စပါး၊ ကော်ဖီ၊ လက်ဖက်၊ ငရုတ်ကောင်း၊ ငရုတ်၊ နဂါးမောက်သီးနှင့် ပြုပြင်ထုတ်ပိုးထားသည့် ထုတ်ကုန်များကဲ့သို့သော စိုက်ပျိုးရေးထွက်ကုန်များသည် တရုတ်နိုင်ငံ Guangdong သို့ အဓိကတင်ပို့သည့် ဗီယက်နမ်နိုင်ငံ၏ ပို့ကုန်ပစ္စည်းများ ဖြစ်ကြသည်။