တရုတ်နိုင်ငံသို့ အေးခဲထားသော ဒူးရင်းသီးများ တင်ပို့ရန်အတွက် ဖိလစ်ပိုင်နိုင်ငံမှ လုပ်ငန်း ၃ ခုသည် “တရုတ်နိုင်ငံ၏ တင်သွင်းလာသော စားသောက်ကုန်လုပ်ငန်းများအတွက် မှတ်ပုံတင်စနစ် (China’s Import Food Enterprise Registration system)”မှတစ်ဆင့် မှတ်ပုံတင် ထားသည်ဟု Davao City Durian Industry Council ၏ ဥက္ကဋ္ဌ Emmanuel Belviz က မကြာသေးမီက ကြေညာခဲ့ကြောင်း ဖိလစ်ပိုင်မီဒီယာတစ်ခု၏ ဖော်ပြချက်အရ သိရှိရပါသည်။ အဆိုပါလုပ်ငန်း (၃)ခုမှာ Eng Seng Food Products ၊ SQ Fresh Fruit Corporation နှင့် D' Farmers Market Fruits and Pastries Center တို့ဖြစ်ကြောင်း သိရှိရသည်။

လာအိုနိုင်ငံသည် ရေရှည်တည်တံ့သော လယ်ယာထွက်ကုန်ထုတ်လုပ် မှုကို မြှင့်တင်ရန်နှင့် တရုတ်-လာအိုရထားလမ်းမှတစ်ဆင့် တရုတ်နိုင်ငံသို့ လယ်ယာထွက်ကုန်များ တိုးမြှင့်တင်ပို့ရန် လယ်သမားများနှင့် ထုတ် လုပ်သူများကို အားပေးတိုက်တွန်းလျက်ရှိကြောင်း သိရှိရသည်။

အိန္ဒိယနိုင်ငံမှ ပြည်ပသို့ ဆန်တင်ပို့မှု အလုံးစုံ ပြန်လည်ခွင့်ပြုခဲ့သလို ပါကစ္စတန်နိုင်ငံနှင့် မြန်မာနိုင်ငံတို့မှ ဆန်သစ်များဈေးကွက်သို့ဝင်ရောက် ရန်ရှိသည့်အတွက် ကမ္ဘာ့ဆန်ဈေး ကွက်တွင်ဈေးနှုန်းများ ၁၀ ရာခိုင် နှုန်းကျော်ကျဆင်းလာကြောင်း ကုန်သည်များက ပြောကြားသည်။