ထိုင်းနိုင်ငံအနေဖြင့် အမေရိကန်နိုင်ငံမှ ဝက်သားကို တင်သွင်းခွင့်ပြုပြီး ဈေးကွက်ဖွင့်ပေးလိုက်ပါက ပြည်တွင်းဝက်သားထုတ်လုပ်မှုလုပ်ငန်းအနေ ဖြင့် အမေရိကန်ဒေါ်လာ ၃ ဒသမ ၄၆ ဘီလီယံအထိအရှုံးပေါ်လာနိုင်ကြောင်း ကာစီကွန်သုတေသနဌာနအရသိရှိရသည်။

သုတေသနဌာနအဆိုအရ ဝက်သားနှင့် အတွင်းကလီစာအမျိုးမျိုးတို့သည် အမေရိကန်နှင့်ထိုင်းနိုင်ငံကြား ကုန်သွယ်ခွန်ညှိနှိုင်းမှုတွင် အမေရိကန်၏ တွန်းအားပေးနိုင်သည့် အဓိကကုန်စည်များတွင် ပါဝင်လာနိုင်ကြောင်း သိရှိရသည်။

တောင်ကိုရီးယားနိုင်ငံရှိ စိုက် ပျိုးရေး၊ စားနပ်ရိက္ခာနှင့် ကျေးလက်ရေးရာဝန်ကြီးဌာနသည် သိုလှောင်ရုံ များမှ တစ်ရက်လျှင် ဂေါ်ဖီထုပ် တန်ချိန် ၁၀၀ မှ ၂၅၀ အထိ ထုတ်ရောင်းလျက်ရှိသည်။ ဤဆုံးဖြတ်ချက် သည် ဂေါ်ဖီထုပ်ထုတ်လုပ်မှုကို ထိခိုက်စေသည့် ပုံမှန်မဟုတ်သော ရာသီဥတု အခြေအနေကြောင့် ထိခိုက် ဖြစ်ပေါ်လာသည့် မတည်ငြိမ်သော ရောင်းလိုအားနှင့် ဝယ်လိုအားကို တည်ငြိမ်စေရန် ရည်ရွယ်သည်။

Agency for Real Estate Affairs-AREA ၏ သုတေသနပြုမှုအရ ထိုင်းနိုင်ငံရှိ အစားအစာဈေးနှုန်းများ သည် လွန်ခဲ့သည့် ၁၃ နှစ်ကထက် ၁၀၆ ဒသမ ၅ ရာခိုင်နှုန်း မြင့်တက်ခဲ့ကြောင်း၊ ၂၀၁၂ ခုနှစ်က ၃၁ ဘတ် ပေးရသည့် အစားအစာသည် ၂၀၂၅ ခုနှစ်တွင် ၆၄ ဘတ်ဖြစ်လာကြောင်း သိရှိရသည်။ ထိုလေ့လာမှုကို ဘန်ကောက်ရှိ စီးပွားရေးခရိုင်များဖြစ်သည့် စီလုံ၊ စူရာဝမ်နှင့် ဆတ်သရွန်ဧရိယာများတွင် ဆောင်ရွက်ခဲ့ခြင်းဖြစ်သည်။ စားသောက်ကုန်ဈေးနှုန်းများ မြင့်တက်လာသော်လည်း ထိုကာလတွင် အနိမ့်ဆုံးလုပ်ခငွေကြေးမှာ ၃၃ ဒသမ ၃ ရာခိုင် နှုန်း(ဘတ် ၃၀၀ မှ ဘတ် ၄၀၀) သာ မြင့်တက်ခဲ့ကြောင်း၊ လုပ်ခနှင့် လူနေမှုစရိတ်အကြား ထင်ရှားသည့်ကွာဟမှု

ရုရှားနိုင်ငံသည် ဖိလစ်ပိုင်နိုင်ငံသို့ ကြက်ဘဲသားနှင့် ၎င်း၏ ထုတ်ကုန်ပစ္စည်းများ တင်ပို့ခွင့် ပြန်လည်ရရှိကြောင်း ရုရှားတိရစ္ဆာန်နှင့် အပင်ပိုးမွှားရောဂါ ကင်းရှင်းရေး ကြီးကြပ်ကွပ်ကဲမှု ဖက်ဒရယ်အစိုးရဌာန (Rosselkhoznadzor)က သတင်းထုတ်ပြန်ခဲ့သည်။

အိန္ဒိယနိုင်ငံအစိုးရက မကြာသေးမီက စားတော်ပဲ (Yellow Pea) ၏ အကောက်ခွန်မဲ့ တင်သွင်းခွင့်ကို ၂၀၂၆ ခုနှစ် မတ်လ ၃၁ ရက်နေ့အထိ သက်တမ်းတိုးမြှင့်လိုက်ခြင်းသည် အိန္ဒိယပြည်သူ တို့၏ စားသုံးဆီကဏ္ဍတွင် တွေ့ကြုံခဲ့ရသည့် ဆိုးရွားသော အခြေအနေကို ထပ်မံဖြစ်ပေါ်စေနိုင်ပြီး အိန္ဒိယ တောင်သူသန်းပေါင်းများစွာ၏ အသက်မွေး ဝမ်းကျောင်းနှင့် နိုင်ငံ၏ စားနပ်ရိက္ခာ ဖူလုံရေးကို ထိခိုက်စေနိုင်ကြောင်း ဆောင်းပါးရှင် TR Kandasamy က ယခုလ ၁ ရက်နေ့က Hindu Businessline ၌ သုံးသပ်ရေးသားဖော်ပြထားသည်။

ဗီယက်နမ်၏ မွေးမြူရေးရေထွက် ပစ္စည်းပို့ကုန်တွင် ပုစွန်နှင့် ငါးတန်ပြီးလျှင် တီလားပီးယားငါးသည် အဓိကဖြစ်လာဖွယ် အလားအလာရှိနေသည်။ ဗီယက်နိုင်ငံအနေဖြင့် ရေထွက်ပစ္စည်းများ အကြီးအကျယ်မွေးမြူထုတ်လုပ်နိုင်သည့် အခြေအနေ ရှိသော်လည်း တရုတ်နှင့် ထိုင်းနိုင်ငံတို့ကဲ့သို့ ဒေသတွင်းနိုင်ငံများ၏ ယှဉ်ပြိုင်မှုအရ ၎င်း၏ ထုတ်လုပ်မှုနှင့် တင်ပို့မှုတန်ဖိုးမှာ အလယ်အလတ်အဆင့်သာ ရှိသေးသည်။

နွားရူးရောဂါ ဖြစ်ပွားမှုကြောင့် ၂၀၀၁ ခုနှစ်မှစ၍ ဂျပန်နိုင်ငံမှ အမဲသားတင်သွင်းမှုကို ဆယ်စုနှစ်မျှ ရှည်ကြာသည့် တားမြစ်ခဲ့မှုအားတရုတ်နိုင်ငံက ဖယ်ရှားတော့မည် ဖြစ်သဖြင့် ဂျပန်နိုင်ငံအနေဖြင့် ကြိုတင်ပြင်ဆင်မှုများ ဆောင်ရွက်နေပြီဖြစ်ကြောင်း သိရှိရသည်။ နှစ်နိုင်ငံကြား အမဲသားတိုက်ရိုက် တင်ပို့မှု ပြန်လည်စတင်နိုင်မည့် ခြေလှမ်းတစ်ရပ်အဖြစ် ဂျပန်-တရုတ် တိရိစ္ဆာန် ကျန်းမာရေးနှင့် ရောဂါပိုးမွှားထိန်းချုပ် ရေး သဘောတူညီမှုသည် ဇူလိုင်တတိယပတ်အတွင်း စတင်အသက်ဝင်ပြီဖြစ်သည်။