တရုတ်နိုင်ငံ၏ ကောက်ပဲသီးနှံတင်သွင်းမှုသည် ယခုနှစ် ပထမနှစ်လတွင် ပုံမှန်တိုးတက် လျက်ရှိသည်ဟု တရားဝင်အချက်အလက်များ၌ ဖော်ပြထားကြောင်း သိရှိရပါသည်။ အဆိုပါ(၂) လ အတွင်း တရုတ်နိုင်ငံသည် ကောက်ပဲသီးနှံတန်ချိန် (၁၃.၃၆)သန်း တင်သွင်းခဲ့ပြီး တစ်နှစ်ထက် တစ် နှစ် (၂၉.၅၇)ရာခိုင်နှုန်း မြင့်တက်ခဲ့ကြောင်း စိုက်ပျိုးရေးနှင့် ကျေးလက်ရေးရာဝန်ကြီးဌာန၏ အချက်အလက်များအရ သိရှိရပါသည်။

အင်ဒိုနီးရှားနိုင်ငံမှ မင်းဂွတ်သီး (၆၈)တန် သယ်ဆောင်လာသည့် ကုန်တင်သင်္ဘောတစ်စီး သည် ရှစ်ရက်ကြာ ခရီးစဉ်အပြီးတွင် တရုတ်နိုင်ငံတောင်ပိုင်း၊ ကွမ်ရှီးကျွမ့်ကိုယ်ပိုင်အုပ်ချုပ်ခွင့်ရ ဒေသရှိ ချင်းကျိုးဆိပ်ကမ်းသို့ ဆိုက်ကပ်ခဲ့ကြောင်းနှင့် အကောက်ခွန်ရှင်းလင်းရေးလုပ်ငန်းများ လျင် မြန်စွာ ဆောင်ရွက်ပြီးနောက် သစ်သီးများကို အနီးအနားရှိပြည်နယ်များအပြင် ကွမ်တုန်း-ဟောင် ကောင်-မကာအိုဒေသနှင့် ရန်ဇီမြစ်ဝကျွန်းပေါ်ဒေသများသို့ ဆက်လက်ပို့ဆောင်ခဲ့ကြောင်း သိရှိရပါ သည်။

အိန္ဒိယနိုင်ငံတွင် အထွေထွေရွေးကောက်ပွဲအပြီး တာဝန်ယူမည့် အစိုးရသစ်၏ ပထမရက် ၁၀၀ စီးပွားရေးဆိုင်ရာအစီအစဉ်ကိုဆွေးနွေးရန်အတွက် အစိုးရအဖွဲ့အတွင်းရေးမှုးသည် အရေးကြီး သောစီးပွားရေးဝန်ကြီးဌာနများမှ တာဝန်ရှိသူများနှင့်တွေ့ဆုံရန် သောကြာနေ့တွင် စီစဉ်ထားကြောင်း သိရသည်။ 

Việt Nam News ၏ အစီရင်ခံစာအရ လက်ရှိတွင် ဗီယက်နမ်နိုင်ငံ၌ တရုတ်နိုင်ငံသို့ တင်ပို့ရန် အရည်အချင်းပြည့်မီ၍ တရုတ်နိုင်ငံအကောက်ခွန်အထွေထွေအုပ်ချုပ်မှုအာဏာပိုင်အဖွဲ့မှ ကုဒ်နံပါတ် များ ထုတ်ပေးထားသည့် ဒူးရင်းစိုက်ပျိုးရေးခြံနှင့် ထုပ်ပိုးမှုလုပ်ငန်းများ (၈၇၆)ခုရှိပြီး ဗီယက်နမ်အနေဖြင့် တရုတ်နိုင်ငံနှင့် ဒူးရင်းသီးကုန်သွယ်မှု ဖွံ့ဖြိုးတိုးတက်ရန်အတွက် ပိုမိုကောင်း မွန်သော အခြေအနေများ ဖန်တီးပေးထားကြောင်း သိရှိရပါသည်။ 

ချင်းကျိုးဆိပ်ကမ်းသည် တရုတ်နိုင်ငံ တောင်ပိုင်းတွင် အာရှအပူပိုင်းဒေသထွက် သစ်သီးများ ကုန်သွယ်မှုအတွက် အချက်အချာဖြစ်လာပြီး အင်ဒိုနီးရှား၊ ဗီယက်နမ်နှင့် အခြားသော နိုင်ငံများရှိ အဓိကသစ်သီးထုတ်လုပ်သူများနှင့် ချိတ်ဆက်ထားကြောင်း ဖော်ပြထားပါသည်။

Belt and Road Initiative ၏ တစ်စိတ်တစ်ပိုင်းအနေဖြင့် တရုတ်အစိုးရသည် ချင်းကျိုး ဆိပ်ကမ်းတွင် အပူပိုင်းဒေသထွက်သစ်သီးဝလံများအတွက် အအေးခန်းသိုလှောင်ရုံများနှင့် ပြုပြင် ထုတ်လုပ်မှုများကို ထပ်မံရင်းနှီးမြှုပ်နှံထားသည်ဟု နိုင်ငံပိုင်မီဒီယာက ဖော်ပြခဲ့ကြောင်း သိရှိရပါ သည်။

သီရိလင်္ကာနိုင်ငံမှ လတ်ဆတ်သော နာနတ်သီးများ တင်သွင်းခြင်းအတွက် အပင်ပိုးမွှား ကင်းရှင်းရေးဆိုင်ရာလိုအပ်ချက်များကို တရုတ်နိုင်ငံအကောက်ခွန်အထွေထွေအုပ်ချုပ်မှုအာဏာပိုင် အဖွဲ့က ၂၀၂၄ ခုနှစ်၊ ဧပြီလ (၁)ရက်နေ့ တွင် ထုတ်ပြန်ခဲ့ကြောင်း၊ နာနတ်သီးသည် ၂၀၁၅ ခုနှစ်တွင် ခွင့်ပြုချက်ရခဲ့သော ငှက်ပျောသီးပြီးနောက်တွင် သီရိလင်္ကာနိုင်ငံမှ တင်သွင်းခွင့်ရသည့် ဒုတိယ မြောက်သစ်သီးအမျိုးအစားဖြစ်ကြောင်း သိရှိရပါသည်။

၂၀၂၄ ခုနှစ် ပထမနှစ်လတွင် ဗီယက်နမ်သည် ယခင်ရာသီလက်ကျန် ဒူးရင်းသီးများကြောင့် တရုတ်နိုင်ငံသို့ ဒူးရင်းသီးအများဆုံး တင်သွင်းရောင်းချသူအဖြစ် ထိုင်းနိုင်ငံကို ကျော်တက်သွားခဲ့ ကြောင်း၊ ၂၀၂၂ ခုနှစ် ဇူလိုင်လတွင် ပုံမှန်ကုန်သွယ်မှုလမ်းကြောင်းများမှတစ်ဆင့် တရုတ်စျေးကွက် သို့ ဒူးရင်းသီးဝင်ရောက်ခွင့်ရရှိပြီးကတည်းက ဗီယက်နမ်သည် တရုတ်နိုင်ငံသို့ ဒူးရင်းသီး အဓိက တင်သွင်းသူအဖြစ် ရပ်တည်နေခဲ့ကြောင်း သိရှိရပါသည်။

တရုတ်နိုင်ငံသည် ယခုနှစ် ပထမသုံးလပတ်တွင် အမေရိကန်နှင့် ဂျပန်နိုင်ငံတို့နှင့်အတူ ဗီယက်နမ်နိုင်ငံမှ ရေထွက်ကုန်ပစ္စည်း တင်သွင်းမှုအများဆုံး နိုင်ငံများအနက်မှ တစ်ခုဖြစ်ကြောင်း ဗီယက်နမ်နိုင်ငံထုတ် ပင်လယ်စာတင်ပို့သူများနှင့် ထုတ်လုပ်သူများအသင်းကို ကိုးကား၍ ဗီယက်နမ် သတင်းအေဂျင်စီက ဖော်ပြခဲ့ကြောင်း သိရှိရပါသည်။

တရုတ်နိုင်ငံနှင့် ဟောင်ကောင်အထူးအုပ်ချုပ်ခွင့်ရဒေသသို့ ရေထွက်ကုန်ပစ္စည်းများ တင်ပို့မှု သည် (၁၅) ရာခိုင်နှုန်း တိုးလာသည်ဟု ဖော်ပြထားကြောင်း သိရှိရပါသည်။

အိန္ဒိယသည် လယ်သမားများအတွက် မက်လုံးအမျိုးမျိုး အပါအဝင် အစီအစဉ်များစွာ ချမှတ် ဆောင်ရွက်လျှက်ရှိသော်လည်း ၎င်း၏ပြည်တွင်းလိုအပ်ချက်အတွက် ပဲမျိုးစုံတင်သွင်းမှု အပေါ်မှီခို နေရဆဲဖြစ်ပြီး 2023-24 တွင် ပဲမျိုးစုံတင်သွင်းမှုသည် နှစ်ဆနီးပါး မြင့်တက်ခဲ့ပြီး တန်ဖိုးအားဖြင့် အမေရိကန်ဒေါ်လာ 3.74 ဘီလီယံအထိ ရှိခဲ့ကြောင်းသိရသည်။

အိန္ဒိယအစိုးရသည် တရားဝင်ကိန်းဂဏန်းကို ထုတ်ပြန်ခြင်းမရှိသေးသော်လည်း  ပြီးခဲ့သည့် ၂၀၂၂-၂၃ ခုနှစ်တွင်  ပဲမျိုးစုံတန်ချိန် ၂၄.၅ သိန်းသာ တင်သွင်းမှုရှိခဲ့သော်လည်း ၂၀၂၃-၂၄ ဘဏ္ဍာ ရေးနှစ်တွင် တန်ချိန် ၄၅ သိန်းကျော် တင်သွင်းခဲ့ကြောင်း ခန့်မှန်းတွက်ချက်မှုများအရ သိရသည်။

အိန္ဒိယအစိုးရသည် Bihar ၊ Jharkhand နှင့် Uttar Pradesh ပြည်နယ်တို့ရှိ တောင်သူများ အား ၎င်းတို့ စိုက်ပျိုးထွက်ရှိသည့် ပဲစင်းငုံ၊ မတ်ပဲနှင့် ပဲတီစိမ်း စသည့်ပဲမျိုးစုံကို အနိမ့်ဆုံးပံ့ပိုး  သတ် မှတ်ဈေးနှုန်း ( Minimum Support Price – MSP) ဖြင့် ဝယ်ယူပေးမည်ဖြစ်ကြောင်း ကမ်းလှမ်း ချက်ဖြင့် ယင်းပဲအမျိုးအစားများကိုဦးစားပေးစိုက်ပျိုးရန် ရာသီချိန်စိုက်ပျိုးမှုများ မစတင်မီ စနစ်တကျ တွန်းအားပေး‌ဆောင်ရွက်လျက်ရှိကြောင်း၊ ရည်ရွယ်ချက်မှာ ပဲမျိုးစုံ စိုက်ပျိုးမှုတိုးမြှင့်ရန်နှင့် ပဲမျိုးစုံသွင်းကုန်မှီခိုမှုလျှော့ချရန်ဖြစ်ကြောင်း၊ သို့ရာတွင် ထုတ်လုပ်မှုရည်မှန်းချက်ကို အစိုးရက သတ်မှတ်ထားခြင်းမရှိဟု အမည်မဖော်