မြန်မာနိုင်ငံနှင့် တရုတ်နိုင်ငံ၊ ယူနန်ပြည်နယ် နယ်စပ်ရှိ မဲခေါင်မြစ်ပေါ်တွင် တည်ရှိသည့် Guanlei Port ၌ စစ်ဆေးရေးဂိတ်သစ်ဖွင့်ပွဲအခမ်းအနားကို သြဂုတ် ၅ ရက်နေ့က ကျင်းပခဲ့ကြောင်း၊ အဆိုပါဆိပ် ကမ်းသည် ယူနန်ပြည်နယ်၌ သစ်သီး တင်သွင်းရန်အတွက် သတ်မှတ်ထားသော ၁၁ ခုမြောက် စစ်ဆေးရေးဂိတ်ဖြစ်လာပြီး အရှေ့တောင်အာရှမှ သစ်သီးတင်ပို့မှုများအတွက် ရေလမ်းသစ်ကို ဖွင့်လှစ်လိုက်ခြင်းဖြစ်ကြောင်း သိရှိရသည်။

အိန္ဒိယနိုင်ငံတွင် သဘာဝရော်ဘာကုန်ကြမ်း လိုအပ်ချက်များပြားလျက်ရှိသည့်အတွက် ပြည်ပမှ အကောက်ခွန်လွတ်တင်သွင်းခွင့်ပြုရန် ရော်ဘာလုပ်ငန်းရှင်အသိုင်းအဝိုင်းမှ အစိုးရထံ တင်ပြတောင်းဆိုလိုက်ကြောင်း The Hindu Businessline သတင်းဌာနက ယခုလ ၁ ရက်က ဖော်ပြသည်။