ရုရှားနိုင်ငံသည် ယခုနှစ်အစပိုင်းမှစတင်၍ ကောက်ပဲသီးနှံ ရိတ်သိမ်းမှုသည် ဂျုံတန်ချိန် ၆၄ သန်းကျော် အပါအဝင် တန်ချိန် ၈၅ သန်းကျော်ရရှိထားပြီး ယခုနှစ်ကုန်တွင် ရိတ် သိမ်းနိုင်မှု ခန့်မှန်းချက်မှာ တန်ချိန် ၁၃၅ သန်းရှိမည်ဟု ဒုတိယဝန်ကြီးချုပ် Mr. Dmitry Patrushev က ပြောကြားခဲ့ သည်။
Dak Lak ခရိုင် Ea Knuec ဒေသ မှ တောင်သူများသည် ၎င်းတို့၏ ဒူးရင်းသီးများကို စျေးကွက်တင်ရန်အတွက် online sales platforms အသုံးပြုနေကြသည်။ ဩဂုတ် ၂၄ ရက်က TikTok နှင့် Facebook တွင် "ရွာသားများနှင့်အတူ ဒူးရင်းရောင်းခြင်း" ခေါင်းစဉ်ဖြင့် တိုက်ရိုက် ထုတ်လွှင့်သည့် ပွဲတစ်ပွဲသည် ကြည့်ရှုသူထောင်ပေါင်းများစွာကို ဆွဲဆောင်ခဲ့ပြီး ၂ နာရီအတွင်း၊ ဒေသတွင်း Dona မျိုးဒူးရင်းသီး တန်ချိန် ၆၀ ကျော်
ရောင်းချခဲ့ရသည်။
ကင်ညာနှင့် နီပေါနိုင်ငံတို့မှ လက်ဖက်ခြောက်အား ဈေးနှုန်းသက်သာစွာ တင်သွင်းမှုမြင့်တက်လာခြင်းနှင့် အမေရိကန်၏ ဝယ်လိုအားအပေါ် သက်ရောက်မှုရှိသော Trump ၏ အခွန်စည်းကြပ်မှုများဆိုင်ရာ မသေချာမရေရာမှုများကြောင့် အိန္ဒိယ လက်ဖက်ခြောက်ဈေးနှုန်းသည် ပြီးခဲ့သည့် နှစ်ကာလတူနှင့်နှိုင်းယှဉ်ပါက ဩဂုတ်တွင် တစ်ကီလိုဂရမ်လျှင် ၁၄ ရူပီးအထိ ကျဆင်းသွားခဲ့ ကြောင်းသိရှိရသည်။
ထိုင်းနိုင်ငံနှင့်တရုတ်နိုင်ငံတို့သည် တတိယနိုင်ငံဆိုင်ရာ သစ်သီးဝလံသွင်းကုန်ပို့ကုန်သယ်ယူရေးဆိုင်ရာသဘောတူညီချက်အရ သစ်သီးဝလံများအတွက် သွင်းကုန်/ပို့ကုန်စစ်ဆေးရေးစခန်းအသစ် ၅ ခုဖွင့်ရန် သဘောတူညီခဲ့ကြောင်း ကြေညာခဲ့သည်ဟု သိရှိရသည်။ ဤဆောင်ရွက်မှုသည် ၂၀၂၅ ခုနှစ် စက်တင်ဘာ ၁ ရက်မှစတင်၍ အကျုံးဝင်မည်ဖြစ်ပြီး သယ်ယူပို့ဆောင်မှုကုန်ကျစရိတ်လျှော့ချခြင်း၊ ရှိပြီးသားစစ်ဆေးရေးစခန်းများတွင်ဖြစ်ပေါ်နေသော ကြန့်ကြာမှုကိုလျှော့ချခြင်းနှင့် ထိုင်းသစ်သီးဝလံများကို တရုတ်ပြည်နယ်များသို့ ပိုမိုမြန်ဆန်စွာဖြန့်ဖြူးနိုင်ရန် ရည်ရွယ်ခြင်းဖြစ်သည်။
မြန်မာထောပတ်သီးကို စင်ကာပူနှင့်ထိုင်းနိုင်ငံသို့ အဓိက တင်ပို့ရောင်းချမည်ဖြစ်ကြောင်း မြန်မာနိုင်ငံ ထောပတ်သီးထုတ်လုပ်သူနှင့် တင်ပို့ရောင်းချသူများအသင်းမှ သိရှိရပါသည်။ စက်တင်ဘာမှ ဒီဇင်ဘာအတွင်း ထောပတ်သီးထွက်ရှိမှုများသောကြောင့် ပြည်တွင်းဖူလုံမှုအပြင် နိုင်ငံတကာဈေးကွက်သို့ တင်ပို့ရောင်းချပါသည်။
ထိုင်းနိုင်ငံ၏ Platinum Fruit သစ်သီးကုမ္ပဏီ သည် ဗြိတိန်နှင့် နယ်သာလန်နိုင်ငံတို့ကို ပစ်မှတ်ထားပြီး ဥရောပသို့ လတ်ဆတ်သော လောင်ဂန်သီးတင်ပို့မှု တိုးချဲ့ ရန်ပြင်ဆင်နေသည်။ ကုမ္ပဏီသည် ၎င်း၏ ဒူးရင်းဈေးကွက်ကို တရုတ်နိုင်ငံ မြောက်ပိုင်းနှင့် အရှေ့ မြောက်ပိုင်းသို့ တိုးချဲ့ ရောင်းချရန် ညှိနှိုင်းနေပြီး ဒူးရင်းနှင့် ကောက်ညှင်းရောစပ်ထားသည့် ထုတ်ကုန် အသစ်နှင့် မိတ်ဆက်ရန် အဆင်သင့် ဖြစ်နေပြီဖြစ်သည်။
ဧပြီ ၁ ရက်နေ့မှ စတင်၍ လက်ရှိဘဏ္ဍာရေးနှစ် ၂၀၂၅ -၂၀၂၆ ၏ လွန်ခဲ့သော ၅ လ အတွင်း အမေရိကန်ဒေါ်လာ ၁၂၇ ဒသမ ၈၅ သန်း တန်ဖိုးရှိ ငါး မက်ထရစ်တန်ချိန် တစ်သိန်းကျော် တင်ပို့ခဲ့ကြောင်း ငါးလုပ်ငန်းဦးစီးဌာနမှ သိရသည်။
